Egiptiese betogers neem stede wéér oor

2011-07-09 21:09

Kaïro – Duisende betogers in Egipte het tentkampe op stadspleine oor die land heen opgeslaan en dreig om daar te bly tot die laaste elemente van oudpres. Hosni Mubarak se invloed uit die regering verwyder word.

Die betogers eis ook dat mense wat betogers vermoor het tydens opstande in die land vroeër vanjaar, vervolg word.

Honderde mense het Saterdagoggend in Tahrir-plein ontwaak ná hul eerste nag in tente. Ander tentkampe het ook opgespring in stede soos Suez en Alexandrië.

Baie van die betogers voel dat daar nog nie sedert oudpres. Mubarak se uittrede op 11 Februarie vanjaar enige daadwerklike verandering in Egipte plaasgevind het nie.

– Volg Nuus24 op Twitter.

- SAPA