Egipte vra om internasionale hulp
2011-02-15 18:01
Kaïro - Minister van buitelandse sake Ahmed Abul Gheit het die internasionale gemeenskap Dinsdag gevra om Egipte se ekonomiese herstel te help aanspoor na ’n opstand wat President Hosni Mubarak verdryf het.
Dié top-diplomaat, wat ’n lid van die interim-regering is, het Kaïro se ondersteuning vir die Palenstyne bevestig. Hy beklemtoon dat “Egipte na aan die Palestynse doel bly en voorthou om die regte van die Palestynse mense te ondersteun”, wat die uitoefening van 'n resolusie van die VN-Veiligheidsraad om Israeliese bates te vries insluit.
Abul Gheit se versoek kom na stakings gedreig het om Egipte se ekonomie te verlam.
Die Hoogste Raad van die Gewapende Magte het vrese in Israel en Washington kalmeer toe dit Saterdag gesê het dit sal by al Egipte se internasionale verdrae hou, insluitend die baken 1979 vredesooreenkoms met Israel.
Abul Gheit se opmerkings kom nadat hy met sy VSA, Britse en Saoedi-eweknieë gepraat het, sowel as met Palestynse President Mahmud Abbas.
Die militêre raad het 'n ses-maande-rooster vir demokratiese verkiesings opgestel en belowe om mag aan ’n burgerlike regering oor te gee in ooreenstemming met die eise van betogers wat President Mubarak na 30 jaar se heerskappy verdryf het.
Volg Nuus24 op Twitter.
- AFP