Moslem-broederbond staan agter betogers
2011-07-07 14:08
Kaïro – Die Moslem-broederbond, een van Egipte se grootste politieke groepe, het Woensdag gesê hulle beplan om Vrydag by ‘n massa-protesaksie wat vinniger hervormings in die land eis, aan te sluit.
Die regering het die organiseerders van die byeenkomste gemaan om te verseker dat dit vreedsaam geskied.
Die Broederbond se aansluiting sal moontlik die betoging, wat reeds na verwagting groot skares sal lok, verder versterk.
Die betoging is gereël deur aktiviste wat ongelukkig is met die manier waarop die weermag Egipte regeer sedert Hosni Mubarak, die voormalige president, in Februarie die tuig neergelê het.
– Volg Nuus24 op Twitter.
- Reuters