Egipte: Amerika sê ambassadeur se uitlatings sy eie
2011-02-07 07:05
Washington - Die Amerikaanse staatsdepartement het homself Sondag gedistansieer van uitlatings deur sy voormalige ambassadeur in Egipte.
Frank Wisner het glo gesê Amerika sal die Egiptiese president, Hosni Mubarak, steun tot 'n reëlmatige magsoorgang bewerkstellig kan word.
'n Woordvoerder van die Withuis sê Wisner se mening is sy eie en nie dié van die regering nie.
President Barack Obama het reeds met verskeie wêreldleiers in gesprek getree, en sy adjunkpresident, Joe Biden sê dit is noodsaaklik dat die Egiptiese regering onmiddellik in gesprek tree met die opposisie, sodat die geskil weerlê kan word.
Volg Nuus24 op Twitter.
- SAPA