Egipte: 16 dood in ongeluk

2010-03-26 19:03

Kaïro – Egiptiese owerhede het gesê 16 mense is dood toe ‘n bus met ‘n vervoerwa gebots het op ‘n hoofweg in die suide van die land.

Volgens ‘n sekuriteitsbeampte in die Minya-provinsie het die voertuie trompop gebots in een van die bane op die woestyn-gedeelte van die hoofweg wat vanaf Kaïro na die suide van die land strek.

Slegs een van die insittendes in die vervoerwa het die botsing oorleef. Die oorlewende is glo in ‘n kritieke toestand in die hospitaal. 

 Die beamptes wou anoniem bly omdat hulle nie met die media mag kommunikeer nie.

Padongelukke kom algemeen in Egipte voor as gevolg van die swak toestande van dié land se paaie. Na bewering sterf daar jaarliks sowat 6 000 in ongelukke in Egipte.

- Sapa, AP