Een kind dood, drie beseer in aanval op kerk

2012-09-30 11:45

Nairobi – Een kind is dood en drie ander is Sondagoggend ernstig beseer in ‘n ontploffing by ‘n kerk in Nairobi, het die polisie gesê.

“Een kind is dood en drie ander is ernstig beseer,” het Moses Nyakwama, die polisiehoof in Nairobi, gesê.

“Ons vermoed dit was ‘n handgranaat.”

Dit blyk dat die deel van die kerk wat vir kinders gebruik word die teiken was, het ‘n korrespondent van AFP op die toneel gesê.

Tientalle aanbidders is ook in die ontploffing beseer terwyl hulle slagoffers by die ACK Saint Polycarp-kerk op die buitewyke van die hoofstad probeer help het.

Kerke in Kenia was in onlangse weke die teikens van verskeie aanvalle. Niemand het nog verantwoordelikheid vir die aanvalle aanvaar nie.

– Volg Nuus24 op Twitter

 

- Sapa - AFP