Ebola-virus versprei in die Kongo

2012-09-27 22:45

Kinshasha – Die Ebola-virus het glo al 33 mense in die Demokratiese Republiek van die Kongo se lewens geëis, terwyl die virus glo nog verder versprei het.

Altesaam 79 gevalle is al aangemeld terwyl 33 sterftes teen 25 September geregistreer is, het die departement van gesondheid gesê.

Die Wêreld Gesondheidsorganisasie (WGO) sê sowat 42% van mense wat die virus opdoen sal sterf.

Tot op hede is daar nog geen behandeling of entstof vir Ebola nie. Tussen 25% en 90% van Ebola-pasiënte sterf, afhangende van hoe erg die pasiënt besmet is.

Sowat 167 mense wat al in kontak met die 79 gevalle was, is onder bewaking.

“Ons moet al die geïnfekteerde gevalle en die mense wat in kontak met hulle gekom het monitor en die bevolking meer bewus maak van die virus,” het Benoit Kebela, ‘n gesondheidsbeampte, gesê.

– Volg Nuus24 op Twitter
 

- Sapa - AFP