EU sal Mali help om noorde terug te wen

2012-10-19 15:47

Brussel – Leiers van die Europese Unie (EU) het Vrydag onderneem om Mali te help om die noorde van sy land terug te neem by rebellemagte.

Die EU gaan internasionale militêre magte na die land stuur en sal ook help om Mali se weermag op te lei.

Luidens 'n verklaring van die EU hou die situasie in Mali ‘n bedreiging in vir die Sahel-streek, Wes-Afrika en Europa.

“Die EU sal Mali ondersteun in sy pogings om wetgewing in die land te herstel en om ‘n demokratiese regering te hervesitg,” het die verklaring gelui.

Mali is Maart in 'n chaos gedompel toe rebelle die presidensie omvergewerp het en beheer oor die noorde van die land oorgeneem het.

Die verklaring kom ‘n week na die VN se Veiligheidsraad ‘n resolusie goedgekeur het wat lande in Wes-Afrika 45 dae gee om ‘n gedetailleerde plan vir militêre ingryping in Mali se noorde op te stel.

Die EU het bygevoeg dat hulle ook met Mali sal saamwerk om die land te help ontwikkel sodra rebelleleiers tekens gee dat hulle wet en orde in die land sal herstel.

“Intussen sal die EU hul humanitêre reaksie in die land verbeter.”

– Volg Nuus24 op Twitter
 

- Sapa - AFP