Duisende in S-Soedan sterf weens etniese geweld
2012-01-06 17:02
Juba – Meer as 3 000 mense is verlede week in Suid-Soedan dood tydens erge etniese geweld wat duisende mense gedwing het om te vlug, het ‘n top-beampte in die omgewing Vrydag gesê.
“Daar was massamoorde gewees, ‘n menseslagting,” het Joshua Konyi, die kommissaris van die Pibor-distrik in die Jonglei-staat, gesê.
“Ons is besig om lyke te tel. Tot dusver is daar 2 182 vroue en kinders dood en 959 mans.”
Die Verenigde Nasies en Suid-Soedan se weermag moet nog die dodetal bevestig.
Indien dit wel bevestig word, sal dit die ergste uitbraak van etniese geweld nog in die jong bevolking wees sedert die land in Julie 2011 onafhanklikheid verkry het.
‘n Groot groep van sowat 6 000 gewapende jongmense van die Lou Nuer-stam het verlede week na Pibor-dorp gegaan. Die Murle-stam is daar woonagtig en word blameer vir veediefstal.
Die Lou Nuer-stam het onderneem om die Murle-stam uit te roei.
Die Lou Nuer-stam het Pibor aangeval en eers onttrek nadat regeringsoldate op hulle begin skiet het.
Meer as ‘n duisend kinders word nog vermis met vrese dat hulle ontvoer is, het Konyi gesê.
– Volg Nuus24 op Twitter.
- Sapa - AFP