Dorp sing vir "Moeder Madonna"
2010-04-09 17:36
Kaapstad – Inwoners van die dorp Mphandala het vir Madonna gesing toe sy die weeshuis in Namitete wat sy help finansier, besoek het.
‘n Plaaslike orkes en koor het haar met liedere geprys vir haar goeie daad.
Lourdes, haar biologiese dogter, en Mercy 'Chifundo' James, die Malawiese meisie wat sy aangeneem het, was saam met haar.
“Ons is jou inniglik dankbaar,” het Yacinta Chapomba, bestuurder van die Consol-sentrum, aan Madonna gesê.
“Die mense van dié area beskou jou as hul moeder.”
Omtrent 8 000 wesies kom na dié sentrum om te leer en versorg te word.
Party oumense van die area kom eet hul middagete by die sentrum.
Omtrent 25 000 weeskinders word deur Madonna se welwillendheidsorganisasie, Raising Malawi, bygestaan.
– AFP