Diamanthandel in twee Zim-myne mag voortgaan
2011-11-02 16:05
Kinshasa – Kimberley Process (KP), die internasionale reguleerder van diamanthandel, het Dinsdag toestemming gegee dat diamanthandel by twee myne in Marange, Zimbabwe, waar menseregte misbruik is, mag voortgaan.
Die Wêreld Diamantraad, wat samewerking met die KP monitor en opgestel is om die handel van sogenaamde bloeddiamante te verhoed, het in ‘n verklaring gesê die nuwe ooreenkoms sal die onmiddellike uitvoer van ongeslypte diamante vanaf die twee myne in die Marange-omgewing toelaat.
Diamante is in 2006 in Marange ontdek. Dit het duisende kleinskaalse myners gelok wat gehoop het om ryk te word.
Robert Mugabe, Zimbabwe se president, se weermag moes die omgewing laat in 2008 ontruim het nadat Human Rights Watch, ‘n menseregtewaghond, gesê het 200 mense is daar dood.
Die nuwe ooreenkoms wat in Kinshasa in die DRK gemaak is, is ‘n “werklike mylpaal”, het Eli Izhakoff, die Raad se voorsitter, in ‘n verklaring gesê.
Volgens die ooreenkoms sal Zimbabwe aanhoudend inligting met die KP se personeel wat die diamanthandel monitor moet deel, insluitend die identiteit van mynbeleggers.
– Volg Nuus24 op Twitter.
- Sapa - AFP