Darfoer: Weerlig slaan 7 kinders dood

2010-08-17 10:37

Khartoem – Sewe kinders in die westelike provinsie van Darfoer is Maandag dood en nege ander beseer nadat weerlig hulle glo getref het.

Volgens ‘n verslag van Soedan se amptelike nuusagentskap is die kinders wat dood is tussen die ouderdomme van 10 en 13.

Dit is nie duidelik of die weerlig die kinders direk getref het of die skoolgebou waarin hulle was geslaan het nie. 

Dié skoolgebou bestaan glo net uit ‘n eenvoudige konstruksie met ‘n grasdak. Sowat 560 leerlinge woon dié skool daagliks by.

Volg Nuus24 op Twitter.

- AP

Gee jou mening oor hierdie gesprek - lewer hieronder kommentaar