DRK: Tien mense deur rebelle-groep vermoor
2011-10-06 18:00
Bukavu – Tien mense is dood in twee verskillende aanvalle in die Suidelike Kivu-provinsie in die Demokratiese Republiek van die Kongo (DRK), het die plaaslike regering Donderdag gesê.
Sewe mense is dood en drie beseer tydens die aanval Dinsdag. Die groep was in ‘n voertuig suid van Baraka naby die Tanganyika-meer, volgens Selestin Kalume Mwanshima, ‘n plaaslike beampte.
Dieselfde gewapende groep het drie mense doogemaak toe hulle motorfietsryers aangeval het.
Kaluma het die aanvalle op die Kongolese rebelle-groep bekend as die Mai Mai Yakatumba blameer.
Gewapende groepe teister steeds die ooste van die DRK byna agt jaar na die oorlog waartydens vyf miljoen mense dood is. Die geweld kan ‘n negatiewe invloed op president Joseph Kabila se kanse hê om as president herverkies te word tydens die 27 November-verkiesing.
– Volg Nuus24 op Twitter.
- Reuters