DRK: Rebelle en weermag skuldig
2009-09-09 13:13
Genève – 'n Verslag wat Woensdag deur die Verenigde Nasies (VN) uitgereik is, sê dit is waarskynlik dat kriminele dade en misdade teen die mensdom in die Demokratiese Republiek van die Kongo (DRK) deur weermagslede en rebellegroepe gepleeg is.
Die beweerde misdade sluit verkragtings, moorde, aanvalle op burgerlikes en die plundering van dorpies in. Meeste van die misdade het tussen Oktober en Desember verlede jaar in die noordelike Kivy-streek plaasgevind.
Die groepe wat blykbaar betrokke was, is die Kongolese weermag (FARDC) en die militêre departemente wat dit ondersteun het, asook die Hutu-groep FDLR.
Die verslag het ook die rebellegroep CNDP, ‘n Tutsi-groep wat voorheen deur die rebelleleiers Laurent Nkunda gelei is, uitgelig. Nkunda is vroeër vanjaar deur Rwandese soldate hegtenis geneem.
Kenners het gesê sy arrestasie beteken “die einde” van die CNDP, maar beslis nog nie ’n einde aan die konflik wat al vir meer as 10 jaar die oostelike DRK woed.
Die 1994 volksmoorde waartydens Hutu-vegters sowat 800 000 Tutsi’s en sogenaamde hensoppers (Hutu’s) in die DRK se buurland Rwanda geslag het, is ook nog vars in almal se geheue.
- Sapa