DRK: Militia-baas word van doodstraf gered
2011-09-08 16:47
Lubumbashi – Byna 1 000 gevangenes het Woensdag uit ‘n gevangenis in die Demokratiese Republiek van die Kongo ontsnap toe gemaskerde mans met wapens ‘n militia-leier uit die tronk gered het.
Die leier was met die doodstraf gevonnis.
Beamptes in die oostelike Katanga-provinsie het gesê die agt gewapende mans het tydens ‘n besoekdag ongemerk met ‘n voertuig in die gevangenis gekom waar “Kommandeur Gedeon” aangehou was. Hy is ‘n topleier in die Mai-Mai gemeenskapsmilitia.
“Hulle het op die polisiebeamptes geskiet. Twee is dood,” het Dikanga Kazadi, die provinsiale minister van binnelandse sake in Katanga, gesê.
“Die militia-leier en 967 gevangenes is bevry, waarvan 150 reeds terug gebring is,” het Kazadi gesê.
Gedeon Kyungu Mutanga is in Maart 2009 skuldig bevind aan oorlogsmisdade, misdade teenoor die mensdom en terrorisme.
– Volg Nuus24 op Twitter.
- Sapa - AFP