DRK: Aktivis onder vreemde omstandighede dood
2010-06-03 12:06
Kinshasa – ‘n Menseregte-aktivis in die Demokratiese Republiek van Kongo is dood in die buitewyke van die hoofstad gevind, het Amnestie Internasionaal (AI) en ‘n Kinshasa-polisiebeampte Woensdag gesê.
Floribert Chebeya, die hoof van die nasionale netwerk van nie-regeringsorganisasies vir menseregte en van die plaaslike organisasie Voice of the Voiceless (VSV), is weens onbekende oorsake dood nadat hy met die nasionale polisie in Kinshasa Dinsdagaand vergader het, het AI in ‘n verklaring gesê.
Volgens Veronique Aubert, adjunk-hoof van Amnestie se Afrika-program, is hulle geskok deur die raaiselagtige dood van dié prominente en gerespekteerde man.
Chebeya is glo dood in sy motor gevind.
Amnestie het aangedring op ‘n ondersoek.
Volg Nuus24 op Twitter.
- Reuters