DRK: 100 vemis ná boot sink
2011-05-02 23:20
Kinshasa - Ongeveer 100 mense word vermis ná 'n boot Maandag op die Kasai-rivier, 'n sytak van die Kongo-rivier in die middel van die Demokratiese Republiek van die Kongo, gesink het, het 'n plaaslike amptenaar gesê.
Die vaartuig, met meer as 100 passassiers aan boord, het in die Katoka-gebied, 45 km van Tshikapa, 'n dorp in die westelike Kasai-provinsie, gevaar toe dit gesink het, het die amptenaar gesê.
Ongeveer 30 mense is gered, maar geen lyke is gevind nie, het die bron gesê, en bygevoeg dat die boot oorlaai was.
Die boot was van Biponga in die Llebo-gebied na Tshikapa, 180 km verder, onderweg.
"Die boot is heeltemal onder die water; ons sal moet wag tot môre (Dinsdag) om te sien of lyke gevind word," het die kaptein van die Tshikapa-vloot, Alexis Bola, gesê.
- Volg Nuus24 op Twitter.
- Sapa - AFP