Clinton moedig Kongo, Rwanda aan om te vergader
2012-09-27 21:38
New York – Hillary Clinton, Amerika se minister van buitelandse sake, wil hê die leiers van die Demokratiese Republiek van die Kongo en Rwanda moet bymekaar uitkom om die rebelle-konflik in die Kongo op te los.
Rwanda word daarvan verdink dat hy die rebellie in die DRK ondersteun.
Clinton het Maandag met Rwanda se president, Paul Kagame, en die Kongo se president, Joseph Kabila, vergader in ‘n poging om die situasie in die Kongo te probeer oplos.
“Clinton het veral beklemtoon dat daar eerlike en volgehoue gesprekke tussen beide lande moet plaasvind om ‘n politieke oplossing te vind,” het ‘n Amerikaanse amptenaar gesê.
Amper ‘n halfmiljoen inwoners van die Kongo is deur die huidige konflik verplaas en daar is toenemende druk op die leiers van die land om vordering in verband met die situasie te maak.
Die situasie sal Donderdag in diepte by die Verenigde Nasies se algemene vergadering bespreek word.
Clinton het beklemtoon dat as daar enige kans is om die situasie op te los gaan die M23-groep se leierskap moet verhoor word vir hul misdade.
Die rebellegroep M23, wie se leier, Bosco Ntaganda, deur die Internasionale Strafhof gesoek word op aanklagte wat verband hou met oorlogsmisdade, het in April weggebreek van die weermag om ‘n opstand te begin. Hy is die hoofoorsaak van geweld in die Kongo.
– Volg Nuus24 op Twitter
- AFP
