Clinton besoek Tripoli
2011-10-18 23:11
Sirte – Terwyl die Amerikaanse minister van
buitelandse sake, Hillary Clinton, die leiers van die Nasionale Oorgangsraad ontmoet het, het hewige
straatgevegte in Sirte uitgebreek.
Dié stad is een van die laaste vestings van magte lojaal aan
Muammar Gaddaffi.
Minstens twee lede van die Nasionale
Oorgangsraad (NOR) is dood en talle beseer in ‘n skietgeveg wat vir sowat 40
minute geduur het.
Geweerskote het in twee woonbuurte van Sirte,
the Dollar en Number Two, weergalm.
Vragmotors het gewonde vegters na ‘n tydelike
hospitaal aan die buitewyke van dié woonbuurte geneem, waar hulle behandeling ontvang het.
Verslaggewers van AFP sê dat hulle minstens 35 slagoffers van dié mees onlangse skietgeveg getel het.
“Ons word van alle kante deur skerpskutters, mortierbomme
en RPG-missiellanseerders aangeval,” het een vegter, Tahar Burzeza, gesê.
Clinton die eerste Amerikaanse
minister wat Libië sedert 2008 besoek.
Te midde van hoë sekuriteit het sy die leier
van die NOR, Mustafa Abdel Jalil, en die onderhoof van die NOR
en minister van finansies en olie, Ali Tarhuni, ontmoet.
Volg Nuus24 op Twitter.
- AFP