Cholera-uitbreking teister Sierra Leone

2012-08-17 13:30

Dakar – Die regering van Sierra Leone het 'n nasionale noodtoestand afgekondig omdat hy sukkel om die cholera-uitbreking in die hoofstad Freetown en ander omliggende dele te beheer, het die plaaslike media Vrydag berig.

Volgens die Freetown-gebaseerde Awareness Times het 176 mense sedert Januarie weens die hoogs aansteeklike siekte gesterf.

Minstens 6 000 gevalle van cholera is sedert dit in Julie erg begin reën het in Sierra Leone bevestig, het noodlenigingsagentskappe Vrydag gesê.

Verlede maand is 58 mense dood nadat cholera by 'n kamp vir Malinese vlugtelinge in Niger uitgebreek het.

– Volg Nuus24 op Twitter.

- Sapa-DPA