China bekommerd oor olie-geskil in Soedan, S-Soedan
2011-12-05 19:51
Beijing – China gaan ‘n gesant stuur om tussen Soedan en Suid-Soedan te bemiddel oor ‘n geskil wat die uitvoer van olie bedreig.
Soedan het gesê dat hy verlede week alle olie-uitvoer van Suid-Soedan via Soedan se hawes opgeskort het totdat ‘n ooreenkoms oor vervoerkostes bereik kan word.
Hong Lei, die Chinese minister van buitelandse sake se woordvoerder, het Maandag gesê dat China bekommerd is omdat onderhandelinge oor die saak tussen die twee lande tot ‘n stilstand gekom het. Hy het gesê dat China se spesiale gesant van Afrika-sake, Liu Guijin, binnekort die gebied sal besoek.
China is ywerig om stabiliteit tussen die twee lande te bewaar omdat twee derdes van Soedan se olie verlede jaar na China gegaan het.
– Volg Nuus24 op Twitter.
- Sapa - AP