Chavez: Venezuela staan agter Gaddafi

2011-08-02 14:41

Caracas – Pres. Hugo Chavez het Maandag gesê dat Venezuela nie die rebelle se heerskappy sal erken nie en dat Muammar Gaddafi, die Libiese leier, sterk moet staan teen die magte wat hom probeer omverwerp.

“Ek het alle respek vir Gaddafi,” het Chavez gesê. “Hy staan sy man. Lank lewe Libië!”

Chavez het ook die Navo-lugaanvalle veroordeel en het die rebelle se Nasionale Oorgangsraad ‘n “groep terroriste” genoem.

Chavez is een van Latyns-Amerika se mees uitgesproke kritici oor die situasie in Libië en het herhaaldelik in die verlede die lugaanvalle as “onoordeelkundige bombardering” deur Amerika veroordeel.

Hy reken dié aanvalle sal net tot verdere bloedvergieting lei.

– Volg Nuus24 op Twitter.
 

- Sapa - AP