Campbell se getuienis stel teleur
2010-08-06 12:21
Freetown – Inwoners van Sierra Leone en Liberië was vasgenael voor hulle televisies terwyl die supermodel Naomi Campbell haar getuienis in die verhoor van Charles Taylor, gewese Liberiese president, gelewer het.
Maar baie van dié kykers was teleurgesteld omdat Campbell se getuienis volgens hulle nie bewys het hoe Taylor moontlik die diamante kon versprei nie.
Oorlewendes en vegters van die 1991-2001-oorlog in Sierra Leone, wat die lewens van 120 000 mense geëis het, het rondom radios en televisies saamgedrom om die hofverrigtinge in Den Haag te volg.
Die 62-jarige Taylor word daarvan beskuldig dat hy sogenaamde bloeddiamante in ruil vir gewapende rebelle gegee het wat inwoners in Sierra Leone vermoor en verkrag het.
Taylor se verhoor duur reeds vir die afgelope drie jaar in Sierra Leone voort, waar hy op elf aanklagte van oorlogsmisdade teregstaan.
Taylor het skuld ontken en sê hy het nie diamante aan Campbell gegee nie.
Campbell se getuienis het nuwe belangstelling in die hofsaak gewek.
Die staat het Campbell gedagvaar om te getuig om te probeer bewys dat Taylor wel die diamante in sy besit gehad het.
- Volg Nuus24 op Twitter.
- AFP