Busongeluk dood sokkerspeler, spanpersoneel
2011-11-27 21:56
Lome – Togo se sokkerfederasie het gesê ‘n voormalige doelwagter van die nasionale span, Charles Balagou, is onder andere dood toe ‘n spanbus Saterdag by ‘n kloof afgery het.
‘n Woordvoerder van die federasie, Aime Ekpe, het gesê die sekretaris-generaal Christophe Dagdovi, die afrigter Isidore Kouma, ‘n joernalis van die klub, ‘n kok en ‘n spandokter is ook in die stad Glei dood.
Ekpe het gesê 25 ander lede van die span Etoile Filante, waarvan 19 spelers was, is ook beseer toe die bus in die kloof afgery het.
Hy het gesê die spanpersoneel en spelers het van ‘n ligawedstryd in die stad Sokode teruggekeer toe ‘n band gebars het.
– Volg Nuus24 op Twitter.
- Sapa - AP