Burundiese joernalis kry tronkstraf oor laster
2011-05-16 22:56
Bujumbura - ‘n Burundiese hof het Maandag agt maande tronkstraf aan ‘n joernalis toegedien oor hy mediawette oortree het nadat hy kommentaar gelewer het oor die land se veiligheidsmagte nie ‘n aanval deur Somaliese rebelle kon keer nie.
Die hof het egter verraad en ander ernstige aanklagtes teen Jean-Claude Kavumbagu laat vaar. Daar is verwag dat Kavumbagu vrygelaat sou word omdat hy reeds sedert sy inhegtenisname in Julie 2010 aangehou is, het sy prokureur gesê.
“Kavumbagu is vrygespreek van die ernstige aanklagtes soos verraad, skadelike kommentaar en laster. Hy het agt maande tronkstraf gekry en ‘n boete van 100 000 Burundiese frank (sowat R600 000) omdat hy die mediawette oortree het,” het Gabriel Sinarinzi, sy prokureur, gesê.
“Die formaliteite om Kavumbagu vrygelaat te kry, is aan die gang. Ons het reeds 10 000 frank (sowat R60 000) betaal en hoop dat hy enige tyd nou vry sal wees,” het hy gesê.
- Volg Nuus24 op Twitter.
- Sapa - AFP