Burgermag, inwoners bots in Libië

2012-03-18 20:56

Tripoli – Een van die burgermagte in Libië het met inwoners in Tripoli gebots. Minstens een persoon het gesterf in dié botsing.

Die bakleiery is tussen ‘n magtige burgermag van Zintan in Libië se westelike berge en gewapende inwoners van ‘n woonbuurt in Tripoli wat eens lojaal was aan Muammar Gaddafi.

Die goed gewapende vegters van Zintan is een van vele burgermagte wat buite die regering se beheer lê.

Die bevelvoerder van die Zintan-rebelle, Mohammed el-Rebay, het gesê een van sy vegters is Sondag doodgemaak. Hy het gesê die twee kante skiet op mekaar met outomatiese gewere.

Die botsings vind plaas in Tripoli se Abu Selim-buurt, ‘n pro-Gaddafi-vesting.

Die opposisie het in Augustus beheer oor die stad oorgeneem en later vir Gaddafi vasgetrek en doodgemaak.

Nadat Tripoli geval het, het die Zintan-rebelle ‘n skool in die distrik oorgeneem en dit in ‘n militêre basis omskep.

- Volg Nuus24 op Twitter
 

- AP