Buffel trap vrou, seun dood

2010-10-22 20:17

Freetown - 'n Wilde buffel het 'n 53-jarige vrou en 'n 13-jarige seun in 'n dorp in oostelike Sierra Leone dood getrap, het beamptes gesê.

'n Sewejarige meisie is in 'n kritieke toestand ná die aanval.

Bockarie Ansuma, die seun van die vrou wat dood is, sê hy het gesien hoe die buffel Dinsdag sy ma op hul familieplaas op Sierra Leone se Kenema-distrik doodtrap.

"Die dier het skielik op die plaas verskyn en my ma aangeval waar sy kos voorberei het."

Die plaaslike polisiekommandeur Aiah Komba sê beamptes gewapen met AK47-gewere is nou op soek na die buffel.

Volg Nuus24 op Twitter

- Sapa - AFP