Botswana soek miljoene se 'groen' fondse
2009-12-09 18:57
Gaborone – Botswana benodig sowat $143 miljoen (sowat R1 miljard) ‘n jaar om klimaatsverandering te beveg wat meestal gebruik sal word om die uitlaat van kweekhuisgasse van sy kragstasies te verminder.
Kitso Mokaila, minister van omgewingssake, het Woensdag voor sy vertrek na Kopenhagen gesê Botswana is baie afhanklik van termiesekrag soos steenkool en benodig veiliger tegnologieë om die uitlating van kweekhuisgasse te verminder.
Botswana laat tans 0.4% van die wêreld se kweekhuisgasse vry, meestal omdat lande in Suidelike-Afrika van hul steenkool kragsentrales afhanklik is.
Volgens hom sal dié fondse ook gebruik word in die proses om oor te skakel na bronne soos sonkrag wat nie skade aan die omgewing rig nie.
"Botswana het baie sonskyn wat gebruik kan word om krag op te wek, maar ons het fondse nodig vir toerusting om dit te kan gebruik. Om daardie rede sal ons vra om hulp hiermee,” het Mokaila gesê.
-Sapa