Botswana president ingesweer
2009-10-20 12:28
Johannesburg - Botswana se president, Ian Khama, is vir ‘n tweede termyn ingesweer na sy party se oortuigende oorwinning in dié land se verkiesings.
Die 56-jarige voormalige vise-president is reeds vir ‘n jaar en ‘n half president, na die vorige leier Festus Mogae, verlede jaar afgetree het.
Khama, die seun van Botswana se mees vereerde president, Seretse Khama, is ingesweer deur hoofregter, Julian Nganunu, buite die parlement in Gaberone.
Khama se Botswana Democratic Party (BDP) het 45 van die 57 kiesafdelings gewen terwyl die hoof-opposisie ses van die kiesafdelings gewen het.
- Sapa