Botswana: Poste van staatsamptenare nog nie gevul
2011-06-15 21:51
Gaborone - Die regering van Botswana sê dit is nie duidelik hoe lank dit sal neem om al die aansoeke te verwerk van staatsamptenare wat weer vir poste aansoek gedoen het nie.
Sowat 2000 noodsaaklike dienste werkers is afgedank tydens die staatsdiensstaking, wat reeds twee maande duur.
Talle ontnugterde amptenare het Dinsdag na hul kantore in die hoofstad, Gaborone gestroom, om uit te vind of hulle aansoeke deur die regering goedgekeur is.
Die meer as 90 000 stakende amptenare eis 'n salarisverhoging van 16% terwyl die regering 3% aanbied.
Volgens Jeff Ramsay, 'n woordvoerder van die regering, is dit 'n prioriteit om die amptenare so vinnig as moontlik weer indiens te neem.
- RSG.
- Volg Nuus24 op Twitter.