Botswana: Bom agter president se kantoor gevind
2010-03-11 09:49
Gaborone – ‘n Ondersoek is steeds aan die gang nadat ‘n ploftoestel in ‘n motor, agter pres. Ian Khama se kantoor gevind was.
“Die ministerie van verdediging wil die publiek inlig dat die ondersoek steeds aan die gang is. ‘n Ploftoestel was in ‘n motor gevind wat agter die kantoor van die president geparkeer was,” het die departement in ‘n verklaring gesê.
“Vrae oor wie die toestel daar geplaas het, vorm steeds deel van die ondersoek.”
Die pakkie het tot ‘n bomdreigement gelei, en Khama se kantoor sowel as geboue in die Gaborone-omgewing was op 3 Maart ontruim.
Khama was ten tyde van die voorval op ‘n staatsbesoek aan Australië.
“Die toestel was in ‘n geseëlde harde plastiekhouer gevind. Die merke, vorm en kleur van die pakkie het laat blyk dat dit ‘n houer is wat gebruik word vir die verbryseling van granate.”
Die toestel was deur sekuriteitsagente vernietig, as ‘n maatreël om verdere risiko’s te vermy.
- Sapa