Bom ontplof by lughawe se hek

2010-09-10 10:00

Mogadisjoe – Volgens ‘n Somaliese sekuriteitsbeampte het ‘n motorbom Donderdag voor die hek van die Mogadisjoe-lughawe ontplof.

Na bewering is sowat agt persone in die voorval dood.

Abdul Rahman Yussef, Somaliese weermagbeampte, het gesê dat lede van die Afrika-unie (AU) die motor verhoed het om die lughawe binne te gaan.

Yussef het bevestig dat twee vroue, wat in die straat gestaan en bedel het, in die voorval dood is.

Geen verdere inligting is nog beskikbaar nie.

Volg Nuus24 op Twitter.
 

- AP