Boko Haram-woordvoerder vasgetrek
2012-02-02 11:01
Abuja – Nigerië se geheimediens het die woordvoerder van die Islamistiese groep Boko Haram, wat gereeld ná aanvalle verklarings aan die media maak, in hegtenis geneem het 'n sekuriteitsbron aan Reuters gesê.
Abu Qaqa, woordvoerder van Boko Haram, is vroeg Donderdagoggend in die noordelike staat van Kaduna in hegtenis geneem, het die bron wat anoniem wou bly, gesê.
"Ons is steeds besig om met hom te praat. Ons is al vir 'n paar maande agter hom aan. Hy het die afgelope tyd sy kontakte en plekke waar hy woon verander," het die bron van Nigerië se veiligheidsdienste (SSS) gesê.
– Volg Nuus24 op Twitter.
- Reuters