Blaise Compaore gee sy regering die trekpas
2011-04-16 16:52
Ouagadougou – President Blaise Compaore van Burkina Faso het sy regering afgedank nadat lede van sy persoonlike wag gemuit en betoog het omdat hulle toelaes nie betaal is nie, het RSG op hul webwerf berig.
Compaore het in ‘n verklaring, wat op radio gelees is, gesê dat hy 'n nuwe weermaghoof aangestel het.
Geweervuur is Vrydag in die presidensiële kampong en nabygeleë barakke gehoor.
Compaore, wat sedert 1987 aan bewind is, het soldate vroeër die maand probeer kalmeer toe daar soortgelyke klagtes was.
Burkina Faso word beïnvloed deur die onrus in die buurland, Ivoorkus.
- Volg Nuus24 op Twitter.