Betogings in Egipte duur voort
2011-04-19 17:55
Kaïro - Betogers in die suide van Egipte wat deur Islamiete gelei word, het Maandag gesê hulle gaan nie hulle veldtog van burgerlike ongehoorsaamheid eindig voordat die regering nie ‘n nuut aangestelde goewerneur wat ‘n Koptiese Christen is, afdank nie.
Die betogers, meeste van die uiters konserwatiewe Salafi-neiging van die Islamitiese geloof, het op treinspore gesit, regeringsgeboue oorgeneem en hoofpaaie in Qena geblokkeer. Hulle dring daarop aan dat die nuwe goewerneur nie die Islamitiese wet behoorlik sal implementeer nie.
Pogings deur die nuwe minister van binnelandse sake, wat ook van dié area af kom, was tot dusver onsuksesvol. Betogers het gesê dat hulle aksies, wat Vrydag begin het, sal aanhou.
Sedert Hosni Mubarak, die voormalige president van Egipte, op 11 Februarie bedank het, het die Islamiete in Egipte besluit om ‘n meer aktiewe rol in die politiek van die land te speel.
- Volg Nuus24 op Twitter.
- AP