Betogings in Egipte beplan
2012-02-02 13:55
Kaïro – 'n Protesoptrede word in Egipte beplan oor die polisie se onvermoë om die geweld by 'n sokkerwedstryd in Port Said te voorkom, het RSG op hul webwerf berig.
Minstens 74 mense is dood en honderde beseer in die vertrapping toe die ondersteuners van die tuisspan die ondersteuners van Kaïro se sokkerspan begin aanrand het.
Hanan Zainy, 'n woordvoerder van die span van Kaïro, het gesê die polisie het slegs gestaan en toekyk toe die geweld uitgebreek het.
Intussen het die ministerie van gesondheid in Port Said Donderdag gesê 71 mense is tydens die geweld by die sokkerwedstryd oorlede en nie 74 soos aanvanklik berig is nie.
Die ministerie het in 'n verklaring gesê dat drie liggame is per ongeluk by die dodetal gevoeg.
Minstens 318 mense ontvang steeds behandeling in die hospitaal.
– Volg Nuus24 op Twitter.
- SAPA