Besigye wéér in hegtenis geneem
2011-11-01 10:19
Kampala – Kizza Besigye, die Ugandese opposisieleier, is wéér in hegtenis geneem nadat hy aan ‘n protesaksie oor voedselpryse deelgeneem het, het die polisie gesê.
“Hy is in hegtenis geneem nadat ‘n polisiebeampte hom gevra het om huis toe te gaan en hy geweier het,” het Judith Nabakooba, ‘n polisiewoordvoerder, gesê.
Hy is later die middag weer vrygelaat.
“Daar is aan hom gesê dat dit ‘n voorkomende arrestasie was en daar is geen aanklagte teen hom gemaak nie,” het David Mpanga, sy regsverteenwoordiger, aan AFP gesê.
Besigye is in hegtenis geneem nadat hy sy huis verlaat het om saam met 20 ondersteuners die 14 km na Kampala se middestad te loop. In Oktober het Besigye die “stap-werk-toe”-protesaksie begin uit protes teen hoë lewenskoste.
– Volg Nuus24 op Twitter.
- Sapa - AFP