Bennett se kopseer nog nie verby
2010-05-13 15:23
Harare - Zimbabwiese staatsaanklaers het Woensdag aansoek gedoen om appèl teen die vryspreking van die aangewese adjunkminister van landbou, Roy Bennett.
Bennett is vroeër vrygespreek op alle aanklagte teen hom, wat wissel van hoogverraad tot terrorisme en rampokkery.
Hy sou in Februarie verlede jaar ingehuldig word op ’n klein lughawe buite Harare en is in hegtenis geneem omdat hy die land glo onwettig wou verlaat.
Die staat se saak teen Bennett is gelei deur Zimbabwe se prokureur-generaal, Johannes Tomana.
Dit het onder meer verband gehou met wapens wat na bewering in die 1990’s op Bennett se plaas gevind is en waarvoor hy 'n geruime tyd in verskeie tronke moes deurbring.
In die dokumente wat deur die staat by die hooggeregshof in Zimbabwe ingehandig is, word onder meer beweer dat die regter in die saak, Chinembiri Bhunu, ‘n fout gemaak het toe hy Bennett vrygespreek het.
“Die hof het ‘n fout gemaak toe hulle die bewysstukke afsonderlik bestudeer het. Juis daarom kon hulle nie al die bewyse as ‘n geheel sien nie,” het Chris Mutangadura, hoofregsbeampte in Zimbabwe, gesê.
Mutangadura het twee dae vantevore gesê dat daar nie appèl aangeteken sal word teen die hof se besluit nie.
- Sapa, AFP
Volg Nuus24 op Twitter.