Benin gereed vir Pous se besoek
2011-11-18 11:09
Cotonou – Benin, ‘n klein land aan die weste van Afrika berug vir die gebruik van voedoe, het Donderdag finale voorbereidings gemaak vir Pous Benedictus XVI se tweede besoek aan die kontinent.
Benedictus het Vrydag na Benin gegaan vir 'n drie dae lange besoek. Hy sal onder meer Cotonou, die ekonomiese hoofstad, en Ouidah, ‘n stad bekend as ‘n sentrum vir voedoe en wat as 'n hawe vir slawehandel gedien het, besoek.
Ter voorbereiding van die Pous se aankoms is kerke nuut geverf, die strate van Cotonou is skoongemaak en advertensieborde in Frans en plaaslike tale is opgerig om hom te verwelkom.
Een van die hoogtepunte van die Pous se besoek is die formele ondertekening van die apostoliese aansporing getiteld “Die Belofte vir Afrika” wat Saterdag sal plaasvind.
Die boodskap van die aansporing – Africae Munus in die Vatikaan se amptelike taal, Latyns – is vrede, versoening en geregtigheid.
– Volg Nuus24 op Twitter.
- Sapa - AFP