Bejaarde toordokter vas
2009-09-18 16:30
Malawi – ‘n 79-jarige man is Vrydag in Malawi tot agt jaar tronkstraf en harde arbeid gevonnis nadat hy toorkuns beoefen het en vier kinders wat nie toordery wou leer nie aangerand het.
Een van die kinders het aan sy beserings beswyk.
Medson Machilika het erken dat hy ‘n seun en drie meisies tussen 5 en 12 forseer het om na ‘n begrafplaas te gaan om “opleiding in toorkuns” te kry, wat ingesluit het dat hulle “sokker in die begrafplaas speel,” het ‘n aanklaer gesê.
Volgens die amptenaar het ‘n landdros gesê dat hy ‘n harde straf toegedien is “om te weerhou dat ander oortreders soortgelyke dade pleeg.”
Toe die kinders geweier het om deel te neem het Machilika glo “die kinders se privaatdele ernstig beseer,” het George Kondowe, woordvoerder vir die polisie, gesê.
Die bejaarde man is sedert sy inhegtenisname in 2007 in polisieaanhouding.
Die polisie het hom van woedende lede in die gemeenskap gered nadat die kinders vir hul ouers van die voorval vertel het.
- Sapa