Bankrowers maak polisieman dood
2011-10-12 19:58
Lagos – ‘n Polisiebeampte is dood toe hy lede van ‘n radikale
Moslem-sekte wat ‘n bank in die noordooste van Nigerië beroof het, probeer keer het.
Die bankrowers het met ‘n onbekende bedrag
geld weggekom.
Simeone Midenda, ‘n polisiekommissaris in die deelstaat
Borno, sê die aanval het Woensdag in Damboa, ‘n stad sowat 90 kilometer suid van
die deelstaat se hoofstad, Maiduguri, plaasgevind.
Volgens Midenda het die lede van die sekte met motorfietse
by die bank aangejaag gekom en is drie mense in die proses beseer.
Die sekte, bekend as Boko Haram, is
verantwoordelik vir verskeie sluipmoorde en bomaanvalle in die noorde van
Nigerië.
Dié aanvalle is deel van hul veldtog om streng Shariah-wette in Nigerië in te stel.
Volg Nuus24 op Twitter.
- Sapa - AP