Bank ontken dat Ben Ali met goud vlug
2011-01-17 21:00
Tunis – Tunisië se sentrale bank ontken die feitlikheid van berigte oor voormalige pres. Zine El Abidine Ben Ali se verwantes wat glo met 1,5 ton goud landuit gevlug het.
Die goud is glo sowat $65 miljoen (sowat R450 miljoen) werd.
Frankryk se Le Monde-koerant het berig dat pres. Nicolas Sarkozy ingelig was oor die feit dat Leila Trabelsi, Ben Ali se tweede vrou, verlede week goudstawe uit die bank onttrek het.
Die president van die bank het eers haar versoek geweier, maar het onder druk van Ben Ali ingegee, het die berig gesê.
Ben Ali en Leila het beide Tunisië gevlug weens onluste.
Volg Nuus24 op Twitter.
- Sapa - AFP