Amerika bekommerd oor Darfoer
2011-04-19 13:46
Washington - Joe Biden, die Amerikaanse adjunk-president, het Maandag kommer uitgespreek oor die veiligheidsituasie in Darfoer, enkele maande voor Soedan in twee state verdeel.
Biden het dié kommentaar gelewer tydens ‘n Withuis-vergadering met Thabo Mbeki, voormalige Suid-Afrikaanse president, wie ook die voorsitter van die Afrika-unie se spesiale paneel vir Soedan is.
“Die adjunk-president het beklemtoon hoe belangrik dit is dat twee lewensvatbare state in Soedan gevestig word wanneer die suide sy onafhanklikheid in Julie gaan kry. Hy het ook gesê dat ‘n resolusie oor die situasie in Darfoer deel van die proses moet wees,” het ‘n amptelike rekord van die vergadering gelui.
Die vergadering is ook deur Abdulsalami Abubakar, voormalige Nigeriese president, en Pierre Buyoya, voormalige president van Boeroendi, bygewoon. Hulle is beide lede van die Soedan-paneel.
- Volg Nuus24 op Twitter.
- AFP