Algerynse polisie laat joernalis vry

2011-07-28 22:02

Algiers – Die Algerynse polisie het Woensdag ‘n joernalis en regte-aktivis vrygelaat wat hulle ure tevore glo per ongeluk in hegtenis geneem het oor ‘n artikel wat hy in 1994 geskryf het.

“Ek is nou vrygelaat,” het Arezki Ait Larbi, gesê.

“Ek is aangehou vir aanklagtes van laster toe ek na die polisiestasie gegaan het om te vra oor ‘n nuwe koerant wat ek wil begin.”

Die polisie het hom vertel van ‘n uitstaande lasbrief vir sy inhegtenisname oor ‘n artikel. In die artikel het hy geskryf oor die mishandeling van gevangenes in ‘n tronk waar in 1986 self ook aangehou was.

Ait Larbi het gesê dat die polisie verskoning vir hulle fout gevra het en het glo beloof om sy versoek om ‘n nuwe publikasie te stig na te gaan.

– Volg Nuus24 op Twitter.
 

- Sapa - AFP