Al-Shabaab glo agter klub-bomaanval
2011-10-24 17:26
Nairobi – Die Keniaanse polisie het Maandag ‘n aanval op ‘n nagklub in Nairobi waartydens 14 mense beseer is, verbind met onlangse dreigemente wat deur die Somaliese Islamitiese Shabaab-rebelle gemaak is.
Volgens ‘n polisiebeampte is 14 mense beseer, maar niemand is in
die aanval dood nie. Stoele en tafels het in die kroeg rondgelê ná die
ontploffing, maar daar was geen grootskaalse skade nie.
“Ja, ons vermoed daar is ‘n verbintenis tussen die bomaanval en die dreigemente van Shabaab. Dit is hoekom ek ‘n beroep op inwoners van die stad doen om op hulle hoede te wees en met die polisie saam te werk,” het Antony Kibuchi, ‘n provinsiale polisiehoof in Nairobi, aan AFP gesê.
Al-Shabaab, ‘n Islamitiese rebellegroep in Kenia, het verlede week gedreig met ‘n teenaanval in Kenia nadat Keniaanse militêre magte die grens na Somalië oorgesteek het om die Al-Shabaab-rebelle te konfronteer. Al-Shabaab word blameer vir selfmoordbomaanvalle en die ontvoering van buitelanders in Kenia.
– Volg Nuus24 op Twitter.
- Sapa - AP