Al-Kaïda laat Franse gyselaar vry
2010-02-25 08:33
Kaapstad - ‘n Paar dae nadat vier militante vegters uit die tronk bevry is, het Al-Kaïda se Noord-Afrika-vleuel in Mali ‘n Franse gyselaar vrygelaat, berig BBC.
Pierre Camatte is op die 25ste November uit ‘n hotel naby die grens met Niger ontvoer.
Die groep het gedreig om hom dood te maak indien die vier lede nie vrygelaat word nie.
Volgens owerhede in Mali het die vier hul straf uitgedien en was dit in elk geval tyd om hulle vry te laat.
Hul vrylating het egter hewige ontevredenheid in Algerië en Mauritanië veroorsaak.
President Nicolas Sarkozy van Frankryk, wat tans op besoek is aan Rwanda en Gabon, was verheug dat sy landgenoot weer vry is.
Kliek hier vir die volledige storie.