Aktiviste wil pastoor in hegtenis neem
2010-02-18 20:34
Kampala – Aktiviste van Uganda wil hê die pastoor wat gay pornografie in sy kerk gewys het moet in hegtenis geneem word.
Pastoor Martin Ssempa het gay pornografie in ‘n kerk van 300 mense gewys sodat hy ondersteuning kan kry vir ‘n wetgewing wat gay mense die doodstraf wil gee.
“Hy (Pastoor Martin Ssempa) moet in hegtenis geneem word want hy moedig pornografie aan,” het Julian Pepe, die leier van ‘n groep wat gay en lesbiese regte ondersteun, gesê.
“Die feit dat hy die film aan mense onder 18 gewys het, beteken dat hy misdaad gepleeg het.”
Die pastoor verdeding egter sy aksies.
“As jy homosekualiteit ondersteun, spreek jy ‘n vloek uit,” het hy gesê.
Volgens Ssempa is Uganda in die proses om wetgewing teenoor homoseksualiteit te debateer.
“Ons gaan nie hier stop nie, maar sal parlement toe skuif om dieselfde film te wys,” het hy bygevoeg.
Verlede Oktober is ‘n wetgewing uiteengesit wat streng anti-gay reëls behels het.
Vonnisse van drie jaar tot lewenslange tronkstraf of doodstraf is ingesluit.
Die wetgewing stel die doodstraf voor vir ‘n gay of lesbiese persoon wat sy/haar maat met vigs besmet of seksueel betrokke raak met ‘n minderjarige persoon.
Uganda is gekritiseer dat hulle selfs die wetgewing in die eerste plek oorweeg het.
President Barack Obama het die wetgewing “afskuwelik” genoem.
- Sapa-dpa