Air Namibia spandeer miljoene op nuwe Airbus-vliegtuie
2011-10-19 17:42
Windhoek – Air Namibia gaan N$90 miljoen (R90 miljoen) op twee nuwe Airbus A319-100-vliegtuie spandeer wat in 2014 afgelewer gaan word, het New Era, ‘n Namibiese koerant, Woensdag berig.
“Ons het ‘n brief van onderneming met Air Namibia onderteken vir die aankoop van twee vliegtuie,” het Hadi Akoum, Airbus se adjunkvoorsitter van verkope in Afrika, volgens die koerant gesê.
Air Namibia was nie dadelik beskikbaar vir kommentaar nie.
As deel van ‘n plan om kostes te bespaar, is Air Namibia besig om sy Boeing-vloot, ten gunste van Airbus, kleiner te maak.
Die lugredery gaan N$1.2 miljard (R1.2 miljard) van die regering kry as deel van die drie jaar lange begroting van 2012 tot 2014.
Air Namibia sal nuwe roetes begin, insluitend direkte vlugte na Lusaka, Zambië en Accra, Ghana.
– Volg Nuus24 op Twitter.
- Reuters