Afrikalande deur voedselkrisis in gesig gestaar
2012-10-10 17:44
Parys – 'n Driekwart van Afrikalande word deur 'n voedselkrisis in die gesig gestaar, het 'n ontleding, wat Woensdag gepubliseer is, getoon.
Die ontleding, waarby 197 lande ingesluit is, toon dat 59 lande in die wêreld deur 'n voedselkrisis in die gesig gestaar word. Altesaam 39 van dié lande is Afrikalande.
Die ontleding is deur die Britse konsultasiegroep Maplecroft gedoen.
Van die 11 lande in die ontleding, wat ‘n ernstige risiko beloop, is nege in Afrika.
Dit sluit in, Somalië en die Demokratiese Republiek van die Kongo, wat saam die eerste plek beklee, Burundi (vierde), Tsjad (vyfde), Eritrea (sewende), Suid-Soedan (negende), die Comore-eilande (10de) en Sierra Leone (11de).
Die voedselkrisisse ontstaan meestal weens die konflik en die onstabiliteit in die Sahel-streek, die DRK en oos-Afrika en die hoë styging in koringpryse, het Maplecroft gesê.
Die ontleding is gedoen sodat regerings, NRO’s en sake-ondernemings lande, wat deur die krisis geraak word, kan identfiseer en waar moontlik, kan help.
– Volg Nuus24 op Twitter
- AFP
