Afrika soek meer verteenwoordiging
2009-08-12 17:53
Freetown – ‘n Seminaar van finansiëlebesluitnemers van Afrika het Woensdag in Sierra Leone begin met ‘n versoek van president Ernest Koroma dat Afrika sterker verteenwoordig word in die Wêreldbank en die IMF.
Koroma het aan 37 finansiële ministers en 40 goewerneurs van die reserwebank gesê dat prosesse om verteenwoordiging te verbeter “te lank neem om in werking te kom in die uitvoerende gesag.”
“Ons is wel dankbaar vir die ontwikkelinge in die Wêreldbank, veral die goedkeuring van die derde setel vir Sub-Sahara Afrika,” het Koroma gesê.
Die seminaar val onder die tema, "Global Crisis in Africa: responses, lessons learnt and the way forward."
- AP